Daha çoxu üçün bizi sosial şəbəkələrdə izləyin

Hər bir qəhrəmanın öz yolu və dünyaya təsir edən hekayəsi var. Superman, Krypton planetindən olan yadplanetli, körpəlikdə Yerə göndərilib və ümid və ədalətin simvolu olaraq böyüyüb. Batman, valideynlərinin faciəli qətlinə şahid olub, cinayətkarlığa qarşı mübarizə aparmağa və Gotham şəhərini intiqamçı maskası ilə qorumağa ilhamlanıb. Hulk, dahi alim Bruce Banner, gamma radiasiya təcrübəsinin planlaşdırıldığı kimi getməməsindən sonra güclü yaşıl nəhəngə çevrilib.

Eyni şəkildə, layihənin dayanıqlı inkişaf menecmenti planının (SMP) da öz qəhrəmanlıq hekayəsi var… bəlkə də qəhrəmanlıq deyil… amma onun əsasını dayanıqlı inkişafın layihə menecmentində ön planda tutulması zərurəti təşkil edir. Daha çox təşkilat onu qəbul etdikcə, standartlar və sistemlər ona istinad etdikcə və metodlar onu inteqrasiya etdikcə, onun yaranma hekayəsini danışmağın maraqlı olacağını düşündüm.

Ön söz

Mən skaut hərəkatında böyümüşəm və uşaqlığımı təbiətdə keçirmişəm, hər ay bir dəfə hava şəraitindən asılı olmayaraq yürüşlərdə olmuşam. Hər zaman təbiətdə özümü evdəki kimi hiss etmişəm və ona hörmətlə yanaşma tərəfdarı olmuşam. 1994-cü ildə Anthony Wayne skaut qoruğunda ekoloji direktor oldum və burada ekologiya və meşəçilik kimi fənləri tədris edirdim. Bu təbiətə bağlılıq bütün karyeram boyu mənimlə qaldı və layihə menecmenti mənim üçün hər zaman çətin məsələ idi, çünki biz çoxlu resursları istehlak edirik və onların hansı təsirə malik olduğuna az diqqət yetiririk. Mənə bu barədə nəsə etmək imkanı verildikdə, bu fürsətdən istifadə etdim.

Əgər sizdə “Layihə Jurnalı – İş dəftəri” sahibi olmaq istəyirsinizsə bu linkdən ətraflı məlumat ala bilərsiniz

2006-2013-cü illərdə ABŞ-ın İndiana ştatının Allen dairəsi hökumətində layihə menecmenti sahəsində çalışdım. Məhz burada layihə menecmentində dayanıqlı praktikanın tətbiq olunmasının zəruriliyini öz təcrübəmdə gördüm. 2008-ci ildə Green Project Management (Yaşıl Layihə menecmenti) yaratmaq üzərində işə başladım.

(Əgər keçmişə qayıda bilsəydim, yəqin ki, “Dayanıqlı Layihə menecmenti” adını seçərdim, amma nə edək…). Mənim bir həmkarım, yerli PMI şöbəsindən olan bir dostum, dəfələrlə mənə deyirdi: “Bu heç vaxt işləməyəcək” və “Sən hələ də bu fikirlə oynayırsan?”. Hələ də onunla əlaqə saxlayıram və əminəm ki, o, bunu oxuyub güləcək. 2011-ci ildə GPM rəsmi olaraq qeydiyyatdan keçdi və dayanıqlı layihə menecmentini irəli aparmaq yolumuz başladı.

O zaman bizdə şəhər və regional hakimiyyətləri əhatə edən genişmiqyaslı layihələr portfeli var idi, maraqlı tərəflər hökumətin üç qolundan və onların xidmət etdiyi icmalardan idi. Əgər sizə kompleks yanaşma xoş gəlirsə, bu, layihə meneceri üçün bir yuxu idi və böyümək üçün əla bir fürsət idi. Mən şimal-şərqdəki ən böyük yaşayış məntəqəsində iqtisadi inkişafın necə həyata keçiriləcəyini yenidən müəyyənləşdirmək məqsədini daşıyan bir təşəbbüs üzərində işləyirdim. Bu təşəbbüs on səkkiz müxtəlif şöbə, idarə, departament və məclisləri əhatə edirdi. Komitələr nəzarət altında yaradılmışdı, çünki layihə iqtisadi inkişafın necə həyata keçiriləcəyini yenidən müəyyənləşdirmək məqsədini daşıyırdı.

Bizim PRiSM adlandırdığım bir layihə metodumuz var idi, bu metodun bir hissəsi olan P2 və ya “Proses və Prioritetləşdirmə” adlandırılırdı. Layihəyə cəlb olunmuş məsləhətçi ilə müzakirədən sonra, Dayanıqlı İnkişaf Menecmenti Planının tətbiqi və PRiSM-dən istifadə edilməsi qərara alındı. Dayanıqlı İnkişaf Menecmenti Planı layihə planına yeni əlavə olaraq əsas qrupun iclasında 2010-cu ilin sonunda təqdim olundu. Əsas qrupa departament rəhbərləri və bir neçə seçilmiş rəsmi şəxs daxil idi. Onlar layihənin sponsorları deyildilər, amma onların bölmələri kollektiv şəkildə büdcə istəyi ilə məclisə müraciət etdiyindən layihənin uğurunda mühüm rol oynadılar.

Aşağıda göründüyü kimi, Dayanıqlı İnkişaf Menecmenti Planı bir çox digər layihə sənədlərindən çox da fərqlənmir. Bu, planlaşdırma prosesində müəyyən edilmiş xüsusi dayanıqlı inkişaf məsələlərini təsvir edir və P5 konsepsiyasına əsaslanaraq yeni təqdim olunmuş Dayanıqlı İnkişafın ilkin təsir qiymətləndirməsindən istifadə edərək ətraf mühitə və cəmiyyətə təsiri azaltmaq üçün dəyişikliklər təklif edir.

O vaxtdan bəri 200,000-dən çox insan bu alətdən istifadə etməyi bizə və tərəfdaşlarımıza görə öyrənib. Biz minlərlə layihə menecerini GPM-b (bilgi), GPM-s (səmərəlilik) səviyyələrində sertifikatlaşdırmışıq və onların hamısı SMP-ni bu prosesin bir hissəsi olaraq əldə edib, SMP-ni izah edən GPM P5™ Dayanıqlı Layihə Menecmenti Standartı isə 13 dildə bir milyondan çox yüklənib! Məncə, bu, işləyir!

Layihə meneceri kimi çalışıb artıq beynəlxalq sertifikat almaq istəyənlər bu linkdən ətraflı məlumat ala bilərlər

Bəzi biznes sahibləri ilk dollarını çərçivəyə salıb divara asırlar; mən isə 2011-ci ildə imzalanmış ilk SMP nüsxəsini saxlayıram. Bu, dünya baxımından çox şey ifadə etməyə bilər, amma mənim üçün bu, qiymətsizdir. Ümid edirik ki, “bu heç vaxt işləməyəcək” kimi etirazlarla başlayan ideya, dünya praktikasını dəyişməyə davam edəcək və P5 təsir təhlili, biznes üçün yeni P5 Standartı və dayanıqlı inkişaf liderliyi üçün Kompetensiyalar Standartı kimi GPM ekosisteminin bir hissəsi olan digər mühüm işlərlə yanaşı layihə menecmentində bir əsas daş olacaq.

Dayanıqlı İnkişaf Menecmenti Planı (SMP) layihədə dayanıqlı inkişafın necə nəzərə alınacağını təsvir edir.

Adətən, SMP bunnan ibarət olur:

Məqsəd

Yanaşma

Rollar və məsuliyyətlər

Büdcə

Əsas performans göstəriciləri

İş fəaliyyətinin dayanıqlı inkişafa təsiri

Təhlil və hesabatlılıq

P5 təsir təhlili

15 il sonra biz mümkün olanın sərhədlərini genişləndirməyə və dayanıqlı inkişaf sahəsində mütəxəssisləri qabaqlamağa davam edirik. Bir ideya ilə başlayan və müəyyən bir reaksiyaya səbəb olan hərəkət tam sürətlə inkişaf edir.

Joel Carboni, 2024

Original məqalə üçün: GPM GLOBAL

Dayanıqlı layihə menecmenti haqqında daha çox öyrənmək üçün www.greenpm.az – a daxil olun